![\"\"](\"https://www.aravot.am/2011/aravot_arm/July/22/p16.jpg\")
Սոմալիում իսլամիստական «Ալ-Շաբաաբ» խմբավորման գրոհայինները առեւանգել են երկրի կին նախարարին՝ այդ պաշտոնում նրա նշանակումից ընդամենը ժամեր անց: Այդ մասին հաղորդում է BBC-ն: Աղբյուրի մատուցմամբ, Աշա Օսման Ակիիլն աշխատում էր երկրի մայրաքաղաքից ոչ հեռու գտնվող Ջոխար քաղաքում գործող մի ոչ կառավարական կազմակերպությունում: Չորեքշաբթի օրը երկրի կառավարության նոր ղեկավար Աբդիվելի Մոհամեդ Ալին (նկարում) նրան նշանակել էր ընտանիքի եւ կանանց գործերով նախարարի պաշտոնում: Նրա առեւանգման մանրամասների մասին ոչինչ չի հաղորդվում: Սոմալիի անցումային կառավարությունը գտնվում է երկրի կենտրոնական եւ հարավային շրջանների զգալի մասն իր վերահսկողության տակ առած «Ալ-Շաբաաբ» խմբավորման հետ հակամարտության մեջ:
