![\"\"](\"https://www.aravot.am/2011/aravot_arm/July/20/p33.jpg\")
Երգչուհի Լեդի Գագան ոստիկանություն է դիմել այն բանից հետո, երբ իր կայքի անձնական տվյալները գողացվել են հաքերների՝ «SwagSec» խմբի կողմից:
Xakep.ru-ի փոխանցմամբ՝ երգչուհու բրիտանական կայքը՝ www.ladygaga.co.uk, հարձակումների թիրախ է դարձել դեռեւս հունիսի 27-ից, սակայն տվյալները գողացվել են այսօր:
«Universal» ընկերության ներկայացուցիչների խոսքով՝ հաքերները գողացել են տվյալների բազան, գրանցված օգտագործողների անուններն ու էլ-փոստի հասցեները, սակայն գաղտնաբառերն ու ֆինանսական տվյալները չեն ընկել նրանց ձեռքը: «Մենք շատ լրջորեն ենք վերաբերվում այս հարցին եւ լրացուցիչ միջոցներ ենք ձեռնարկում անձնական ինֆորմացիայի պաշտպանության համար»,-հայտարարել են նրանք:
