Վերջին տարիներին մայրաքաղաքում տեղացած հորդառատ անձրեւների հետեւանքով քաղաքի մի շարք հատվածներ թե՛ հետիոտների եւ թե՛ ավտոմեքենաների համար անանցանելի են դառնում: Երեկ Երեւանի քաղաքապետ Կարեն Կարապետյանը, խնդիրը լուծելու նպատակով, պատասխանատու բոլոր կառույցներին հանձնարարել է լուրջ քայլեր ձեռնարկել հեղեղատարները կարգի բերելու ուղղությամբ՝ հնարավորինս կարճ ժամկետում իրավիճակը կտրուկ փոխելու համար: Այս մասին հայտնում են քաղաքապետարանից: Հանրային ծառայություններ մատուցող ընկերություններին հանձնարարվել է ժամանակին վերացնել եւ բարեկարգել վթարների հետեւանքով քանդված փողոցները՝ լուրջ ուշադրություն դարձնելով ասֆալտապատման որակին:
