![\"\"](\"https://www.aravot.am/2011/aravot_arm/July/16/p17.jpg\")
Իսպանիայի Բենասկ քաղաքում ընթացող շախմատի միջազգային ներկայացուցչական մրցաշարը վաղը կավարտվի: Նախավերջին՝ 8-րդ տուրից հետո մինչ այդ միանձնյա առաջատարի դերում հանդես եկող հայաստանցի գրոսմայստեր Տիգրան Լ. Պետրոսյանի դիրքերը մի փոքր թուլացել են: Սակայն չնայած նա, ինչպես նաեւ ուկրաինացի Գեորգի Տիմոշենկան ու բուլղարացի Ալեքսանդր Դելչեւը վաստակել են 7,0-ական միավոր, Տիգրանը լրացուցիչ գործակիցներով առաջին տեղում է:
Մրցաշարի ավարտին խաղի որակը զգալիորեն բարձրացրել է գրոսմայստեր Զավեն Անդրիասյանը, որն առաջատար եռյակից պակաս ունի ընդամենը կես միավոր եւ հանգրվանել է 10-րդ տեղում: Դրան հակառակ, կարծես, տեղի են տալիս մեր հանրապետության երրորդ գրոսմայստերի՝ Կարեն Մովսիսյանի նյարդերը, որը նախավերջին տուրից առաջ 5,5 միավորով նահանջել է 42-րդ հորիզոնական: Իսկ Ռուսաստանի մարզական պատիվը պաշտպանող կանանց միջազգային վարպետ Կարինա Համբարձումովան նույնքան միավորով 54-րդն է:
