ԱԻՆ փրկարար ծառայության տեղեկացմամբ, ահազանգ է ստացվել, որ Սարդարապատի հուշահամալիրի հարակից տարածքում տեղի է ունեցել պատահար: Դեռեւս չպարզված հանգամանքներում բախվել են «Հունդայի Ակորդ» մակնիշի 05 ՏՕ 192 պետհամարանիշով (վարորդ՝ Վահե Սիմոնյան) եւ «ՎԱԶ-2106» մակնիշի 28 ՏԼ 764 պետհամարանիշով (վարորդ՝ Աղասի Մելքոնյան) ավտոմեքենաները, այնուհետեւ «Հունդայի Ակորդ» ավտոմեքենան վրաերթի է ենթարկել Արմավիրի մարզի Արաքս գյուղի բնակիչներ Եվա Սարգսյանին, Վարսիկ Հակոբյանին, Մարինե Մուրադյանին եւ Մելանյա Մուրադյանին, որի հետեւանքով վերջիններս եւ «Հունդայի» ուղեւոր, արմավիրցի Մարգարիտա Հարությունյանը ստացել են մարմնական վնասվածքներ եւ տեղափոխվել Արմավիրի հիվանդանոց:
Բժիշկների կողմից տուժածների վիճակը գնահատվել է միջին ծանրության: