![\"\"](\"https://www.aravot.am/2011/aravot_arm/July/15/p17.jpg\")
Եթե Եվրամիության նախագահությունը 2012թ. հուլիսին միակողմանիորեն անցնի Կիպրոսի հունական հատվածին՝ Թուրքիան կսառեցնի հարաբերությունները ԵՄ-ի հետ: APA-ի փոխանցմամբ, այդ մասին հայտարարել է Թուրքիայի արտգործնախարար Ահմեդ Դավութօղլուն: Նա առաջարկել է մասնատված կղզու հիմնախնդիրն ամբողջապես լուծել մինչեւ 2012թ. հուլիսը, երբ ԵՄ-ում ռոտացիոն նախագահությունը կանցնի Կիպրոսի Հանրապետությանը: «Եթե դա տեղի չունենա, իսկ Կիպրոսը ձգձգի կարգավորման բանակցությունները եւ ԵՄ նախագահությունն անցնի նրան՝ դա կնշանակի, որ հունական հատվածը ոչ միայն չի լուծի խնդիրը, այլեւ կարգելափակվի Թուրքիա-ԵՄ հարաբերությունները».- ասել է Դավութօղլուն: Թուրքիան հույս ունի, որ մինչեւ ԵՄ նախագահությունը Կիպրոսին անցնելը՝ կլուծվի կիպրական խնդիրն ու նախագահությունը կստանձնի արդեն «միավորված Կիպրոսը»:
