![\"\"](\"https://www.aravot.am/2011/aravot_arm/July/15/p15.jpg\")
Աֆղանական Կանդահար քաղաքում, երկրի նախագահ Համիդ Քարզայի եղբոր՝ Ահմադ Վալի Քարզայի հուղարկավորության ժամանակ տեղի է ունեցել պայթյուն, որի արդյունքում 4 մարդ է զոհվել, այդ թվում՝ նահանգային խորհրդի մի պաշտոնյա: BBC-ի մատուցմամբ, նախնական տվյալներով ռումբը գործի է դրել մահապարտ ահաբեկիչը: Որեւէ խմբավորում դեռ չի ստանձնել իրականացված ահաբեկչության պատասխանատվությունը:
Հաղորդվում է, որ պայթուցիկը պայթել է քաղաքային մզկիթի մոտ: Պայթյունի պահին մզկիթում են եղել նաեւ երկրի պաշտպանության նախարարության բարձրաստիճան պաշտոնյաներ, մզկիթում խուճապ է սկսվել: Պայթյունից անմիջապես հետո դեպքի վայր են ժամանել հատուկ ստորաբաժանման էլիտար խմբեր: Աֆղանստանի նախագահ Համիդ Քարզայը եղբոր հուղարկավորությանը ներկա չի եղել. նա չորեքշաբթի օրն է այցելել Կանդահար եւ մասնակցել նրա հոգեհանգստի արարողությանը:
