Հուլիսի 14-ին ահազանգ է ստացվել, որ Երեւանի Տիչինայի եւ Սեբաստիայի փողոցների խաչմերուկում տեղի է ունեցել ճանապարհատրանսպորտային պատահար:
Դեռեւս չպարզված հանգամանքներում բախվել են տաքսի ծառայության «ՎԱԶ 2107» մակնիշի Տ0169 պետհամարանիշներով եւ «ՎԱԶ 2121» մակնիշի 10 ՏՏ 882 պետհամարանիշներով ավտոմեքենաները, ինչի հետեւանքով «ՎԱԶ 2107» ավտոմեքենայի 65-ամյա վարորդ Տարիել Եղիազարյանը եւ 35-ամյա ուղեւոր Ռուբիկ Գեւորգյանը, «ՎԱԶ 2121» ավտոմեքենայի 32-ամյա վարորդ Գարեգին Եփրեմյանը եւ ուղեւորներ (33-ամյա) Սպարտակ Խաչատրյանը ու (29-ամյա) Նորայր Իշխանյանը ստացել են տարբեր աստիճանի մարմնական վնասվածքներ, եւ մինչեւ փրկարարների հասնելը տեղի ուժերով դուրս են բերվել մեքենաներից եւ տեղափոխվել «Մալաթիա» բժշկական կենտրոն:
