Ինչպես տեղեկանում ենք Երեւանի քաղաքապետարանից ստացված հաղորդագրությունից՝ երեկ քաղաքապետ Կարեն Կարապետյանի հրավիրած հերթական աշխատանքային խորհրդակցության ժամանակ ամփոփվել են հունիս ամսին մայրաքաղաքի վարչական շրջանների կողմից կատարված աշխատանքների վերլուծության արդյունքները: Վերլուծությունների համաձայն, 0-10 սանդղակում, ըստ ոլորտների, վարչական շրջանների կողմից կատարված աշխատանքների միջին գնահատականը հունիսին աճ է արձանագրել նախորդ ամիսների համեմատ: Հատուկ ուշադրություն հրավիրելով ֆինանսական մուտքերի վրա՝ քաղաքապետը հանձնարարել է հետեւողական աշխատանք իրականացնել հավաքագրման ցուցանիշներն ապահովելու մասով եւ շարունակել գույքային հարկերի բազայի ճշտումները:
