![\"\"](\"https://www.aravot.am/2011/aravot_arm/July/13/p1.jpg\")
![\"\"](\"https://www.aravot.am/2011/aravot_arm/July/13/p1-2.jpg\")
Երեկ քաղաքապետարանի աշխատակիցները իրենց հետ բերած մի քանի բանվորների հրահանգում էին, որպեսզի ապամոնտաժեն Կոմիտաս 26 շենքի գլխավոր ճակատային մասի դիմացի կառույցները: Մեզ հետ զրույցում Լեւոն Կիրակոսյանը, ով նշված շինության տերն է, հայտնեց, որ որպես առեւտրի սպասարկման տաղավարներ՝ այն կառուցելու թույլտվությունը տվել է Երեւանի նախկին քաղաքապետ Երվանդ Զախարյանը: Կառուցմանը չի առարկել նաեւ նրա հետնորդը՝ Գագիկ Բեգլարյանը, իսկ ներկայիս քաղաքապետ Կարեն Կարապետյանը նախ խնդիր չի տեսել կառուցապատման հարցում, իսկ հետո «փոշմանել է»: Հարեւանները պատմում էին, որ շինարարական աշխատանքները հիմնականում կատարվել են գիշերը: Երեկվա ապամոնտաժումը ղեկավարում էր ԱԺ պատգամավոր Ալեքսանդր Սարգսյանի որդին՝ Հայկը (երկրորդ լուսանկարում ձախից առաջինը):
