Ըստ կառավարության հաստատած կարգի, այսուհետեւ ստուգվելու են հանրակրթական դպրոցում աշխատել ցանկացողների գիտելիքները, աշխատանքային կարողությունները, հմտությունները:
Արդյունքում՝ կստուգվի հանրապետության ավելի քան 44 հազար ուսուցիչների համապատասխանությունը զբաղեցրած պաշտոնին: «Յուրաքանչյուր տարի կատեստավորվի ուսումնական հաստատության ուսուցիչների 1/5-րդը: Գործընթացը շարունակական է: Նրանք պետք է ատեստավորվեն 5 տարին մեկ: Մանկավարժներից ոմանք դժգոհում են, սակայն պետք է հասկանան, որ սա միայն նրանց օգտին է»,- «Մաքս Լիբերթիի» հետ զրույցում նշել է ԿԳՆ հանրակրթության վարչության պետ Նարինե Հովհաննիսյանը:
