![\"\"](\"https://www.aravot.am/2011/aravot_arm/July/9/p17.jpg\")
Սիլվիո Բերլուսկոնին 2013թ. Իտալիայի հերթական ընտրություններից հետո չի պատրաստվում մնալ կառավարության ղեկավարի պաշտոնում: News.am-ի փոխանցմամբ, Իտալիայի վարչապետը նաեւ ասել է իր իրավահաջորդի անունը. «Իր թեկնածությունը Իտալիայի վարչապետի պաշտոնում կառաջադրի Անջելինո Ալֆանոն (նկարում)»:
Խոսքն արդարադատության նախարարի մասին է, ով հուլիսի սկզբին ղեկավարել է Բերլուսկոնիի «Ազատության ժողովուրդ» կուսակցությունը: Բերլուսկոնին նաեւ նշել է, որ չի հավակնելու Իտալիայի նախագահի պաշտոնին. «Դա ինձ համար չէ, Ջաննի Լետտան՝ քարտուղարը, ամենահարմար թեկնածուն է»:
