ՀՀ քրեական վերաքննիչ դատարանում նախորդ օրը սկսվեց եւ ավարտվեց գլխավոր դատախազի տեղակալի օգնական Մհեր Բաղդասարյանի բողոքի քննությունը: 9 տարվա ազատազրկման դատապարտված Մ. Բաղդասարյանի բողոքը մերժվեց եւ անփոփոխ մնաց ընդհանուր իրավասության դատարանի կայացրած դատավճիռը: Հիշեցնենք, որ նա մեղադրվում է մի քաղաքացու ազատությունից զրկելու, վնասվածք հասցնելու համար:
