Երեկ ԱԻՆ փրկարար ծառայությունից տեղեկացրին, որ Արագածոտնի մարզի Ապարան-Աշտարակ ավտոճանապարհի 21-րդ կիլոմետրում տեղի է ունեցել ճանապարհատրանսպորտային պատահար:
Դեռեւս չպարզված հանգամանքներում՝ բախվել են «ՎԱԶ 2106» մակնիշի 04 ՍՏ 023 պետհամարանիշի եւ «ՈՒԱԶ 452» մակնիշի 28 ՍԼ 759 պետհամարանիշի (վարորդ՝ 1966թ. ծնված Հայկ Նալբանդյան, ք. Ապարան) ավտոմեքենաները: Ավտոպատահարի հետեւանքով Ապարանի բնակիչներ «ՎԱԶ 2106»-ի 28-ամյա վարորդ Ռուբիկ Խալաթյանը եւ 31-ամյա ուղեւորներ Սեւակ, Սերժիկ եւ 6-ամյա Հարություն Թադեւոսյանները մարմնական վնասվածքներով տեղափոխվել են Երեւանի «Արմենիա» բժշկական կենտրոն: Տուժածների առողջական վիճակը բժիշկների կողմից գնահատվել է միջին ծանրության:
