![\"\"](\"https://www.aravot.am/2011/aravot_arm/July/9/p11.jpg\")
ՀՀ գլխավոր դատախազ Աղվան Հովսեփյանի գլխավորած պատվիրակությունը Չինաստանի Շանհայ քաղաքում հուլիսի 3-6-ը մասնակցել է Կոռուպցիայի դեմ պայքարի միջազգային համագործակցությանը նվիրված սեմինարի աշխատանքներին:
Երեկ գլխավոր դատախազն արդեն աշխատավայրում էր:
Ըստ ՀՀ գլխավոր դատախազության, հակակոռուպցիոն մարմինների միջազգային ասոցիացիայի կողմից Չինաստանի Ժողովրդական Հանրապետության դատախազության հետ համատեղ կազմակերպված սեմինարի ժամանակ քննարկվել են, մասնավորապես, դատապարտված անձանց էքստրադիցիայի, իրավական փոխօգնության, համատեղ քննչական գործողությունների եւ նշված հանցագործություններով նախաքննության առանձնահատկություններին վերաբերող հարցեր:
Սեմինարի ընթացքում ելույթով հանդես է եկել նաեւ ՀՀ գլխավոր դատախազ Ա. Հովսեփյանը:
