![\"\"](\"https://www.aravot.am/2011/aravot_arm/July/9/p10.jpg\")
Լուսանկարում պատկերված այս բարդին ամեն քամու ժամանակ ճոճվում է եւ սպառնում է վայր ընկնել: Տարածքի բնակիչները մտավախություն ունեն, որ ուժեղ քամուց այն անպայման կընկնի՝ դառնալով դժբախտ պատահարի պատճառ: Այդ իսկ պատճառով քամու ժամանակ Այգեստանի 9-րդ փողոցի 8-րդ տան հարեւանությամբ ապրողները խուսափում են ծառի մոտով անցնել: Բնակիչների ներկայացմամբ, անգամ ոչ քամոտ եղանակին է հնարավոր, որ բարդին տապալվի, քանի որ ծառի բունը փտած է եւ միայն բնափայտն է մնացել: Այն վայր ընկնելու դեպքում հարակից տներին էլ է վտանգ սպառնում. ծառը հաստաբուն է եւ ճոճվելիս տների կողմն է թեքվում: Բնակիչները իրենց սեփական ուժերով չեն կարողանում այն կտրել: Այս առնչությամբ, Երեւանի քաղաքապետարանից «Առավոտին» հայտնեցին, որ խնդրով կզբաղվեն ու շուտով ծառը կկտրեն:
