![\"\"](\"https://www.aravot.am/2011/aravot_arm/July/9/p9.jpg\")
«Չենք լռելու» երիտասարդական քաղաքացիական նախաձեռնությունը հրապարակել է անգլիական «Փրո Փոուզ» կենդանիների բարեկեցության բարեգործականի հայաստանյան ներկայացուցիչ Նարե Արամյանի կատարած հետազոտությունը՝ մայրաքաղաքի թափառող շների համար իրականացվող ծրագրի վերաբերյալ: Հետազոտությունում կան մի շարք աղաղակող փաստեր, որոնց վերաբերյալ երիտասարդական քաղաքացիական նախաձեռնությունը ակնկալում է Երեւանի քաղաքապետարանի պարզաբանումը: Ըստ այդ փաստերի, թափառող շների համար հսկայական գումարներ են տրամադրվում, սակայն խնդիրն այդպես էլ չի լուծվում: Երիտասարդները պահանջում են բացատրել, թե ո՞ւր են գնում պետբյուջեից դուրս գրված գումարները, հատկապես որ, նրանց կարծիքով, խնդիրը լուծվելու փոխարեն ավելի է սրվում:
