«Լրագրողներ առանց սահմանների» միջազգային կազմակերպությունը մտահոգություն է հայտնել Հայաստանի եւ Ադրբեջանի իշխանությունների գործողությունների առնչությամբ, որոնք սահմանափակում են ղարաբաղյան հակամարտությունը լուսաբանող լրագրողների աշխատանքը: Ինչպես տեղեկացնում է «Արմինֆո»-ն, հղում անելով «Թուրան»-ին, կազմակերպության մամուլի հաղորդագրության մեջ ասվում է, որ մամուլը դարձել է այդ իրավիճակի պատանդ: «Մենք Հայաստանի եւ Ադրբեջանի իշխանություններին կոչ ենք անում իրենց վեճից զերծ պահել մամուլը: Լրագրողները պետք է ազատ լինեն իրենց աշխատանքում եւ ազատ տեղաշարժվեն՝ առանց որեւէ կողմից թույլտվություն ստանալու: Լրագրողների սեւ ցուցակների կազմումն անթույլատրելի է»,- ասվում է հաղորդագրության մեջ:
