![\"\"](\"https://www.aravot.am/2011/aravot_arm/July/8/p21.jpg\")
Լուսանկարը՝ ԱՎԵՏԻՔ ՀԱՐՈՒԹՅՈՒՆՅԱՆԻ
Ֆուտբոլի Եվրոպայի լիգայի որակավորման առաջին փուլից Հայաստանի երկու ակումբներ՝ «Բանանցը» եւ «Ուլիսը», դուրս մնացին պայքարից:
Առաջին խաղում տանը Ռուսթավիի «Մետալուրգին» 0:1 հաշվով պարտվելուց հետո «Բանանցը» երեկ մրցակցի հարկի տակ՝ Ռուսթավիի «Փոլադի» ստադիոնում, պետք է փորձեր կորցրածը ետ բերել: Ճիշտ է, ի վերջո, հայ ֆուտբոլիստները համառ պայքարում, երբ առաջին խաղակեսից հետո զիջում էին 0:1 հաշվով, 72-րդ րոպեին վերականգնեցին հավասարակշռությունը, սակայն դրանից ավելին անել ի վիճակի չեղան եւ երկու հանդիպումների ընդհանուր հաշվով տանուլ տալով 1:2 հաշվով՝ դուրս մնացին պայքարից:
Եթե «Բանանցը», թեկուզ մրցակցի դաշտում, դրությունը փրկելու ինչ-որ շանս ուներ, ապա գրեթե անիրագործելի խնդրի առջեւ էր կանգնած «Ուլիսը», որն առաջին խաղը հյուրընկալվելիս 0:3 խոշոր հաշվով տանուլ էր տվել Հունգարիայի «Ֆերենցվարոշին»: Երեկ սեփական հարկի տակ հանդես գալու հանգամանքն էլ չօգնեց գլխավոր մարզիչ Սեւադա Արզումանյանի ֆուտբոլիստներն, որոնք այստեղ էլ երկու անպատասխան գնդակ ընդունեցին սեփական դարպասը եւ երկու խաղերի հանրագումարով պարտվեցին 0:5 հաշվով:
