Հուլիսի 2-ին Մարզական մամուլի միջազգային ասոցիացիայի անդամ շուրջ 150 երկրներում 16-րդ անգամ նշվեց մարզական լրագրողի միջազգային օրը: «Առավոտը» շնորհավորում է Հայաստանի՝ մարզական թեմաներով գրող բոլոր լրագրողների մասնագիտական տոնը, ովքեր բոլոր մարզաձեւերի ներկայացուցիչների հետ հավասարաչափ չարչարվում են, լուսաբանում հանրապետությունում եւ միջազգային մրցասպարեզներում տեղի ունեցող մարզական մեծ ու փոքր իրադարձությունները, հատկապես Հայաստանում այս կամ այն տեղեկատվությունը մեծ դժվարությամբ հայթայթում եւ… անտեսված են մարզական ղեկավարության եւ գործիչների կողմից:
