Վրաստանի նախագահ Միխայիլ Սահակաշվիլիի որդին՝ Էդուարդ Սահակաշվիլին դարձել է Գինեսի ռեկորդակիր՝ iPad-ի վրա աջ ձեռքով անգլերեն տեքստ հավաքելու արագությամբ: Ինչպես հաղորդում է tert.am-ը՝ հղում անելով «Грузия Online»-ին, հատուկ Բաթում եկած Գինեսի ռեկորդների գրքի ներկայացուցիչները երեքշաբթի օրը պաշտոնապես գրանցել են նոր ռեկորդը՝ 5,26 վայրկյան, որը մեկուկես վայրկյանով գերազանցում է ավելի վաղ բրիտանացու սահմանած ռեկորդը:
Սահակաշվիլիի 15-ամյա որդին հայտարարել է, որ ինքը երկար չի պարապել: Ընդ որում, նա խոստացել է առաջիկայում գերազանցել այդ ռեկորդը՝ օգտագործելով արդեն չինական այբուբենը:
Ինչպես հայտնել են Գինեսի ռեկորդների գրքի ներկայացուցիչները, Էդվարդ Սահակաշվիլին երեք անգամ փորձելու հնարավորություն է ունեցել, բայց առաջին անգամից նրան հաջողվել է սահմանել ռեկորդ:
