![\"\"](\"https://www.aravot.am/2011/aravot_arm/July/6/p6.jpg\")
Չինաստանը շատ շուտով կարող է դառնալ աշխարհի ամենախոշոր գինի արտադրողներից մեկը։ Ինչպես հաղորդում է CNN-ը, որին մեջբերում է tert.am-ը, Չինաստանում կան մի քանի շրջաններ, որտեղ բնակլիմայական պայմաններն ու հողը նպաստավոր են խաղողագործության համար։ Այժմ Պենգլայի արտադրանքը, որտեղ գործում է 13 գինեգործարան, մրցակցում է Մեդոկի (Ֆրանսիա), Տոսկանայի (Իտալիա) եւ Նապայի դաշտավայրի (ԱՄՆ) հայտնի գինիների հետ։ Չինաստանը աշխարհում 5-րդն է կարմիր գինու շուկայում։
Սպասվում է, որ 2011թ. չինացիները կխմեն 828 մլն լիտր գինի։ 5 տարի անց գինու միջին օգտագործումը կկրկնապատկվի։ Դա նշանակում է, որ 2016թ. չինական շուկայում տարեկան կարտադրվի 1,1 մլրդ շիշ գինի։
