Վերջերս «facebook» սոցցանցում Երեանի քաղաքապետ Կարեն Կարապետյանին ամենաշատ ուղղված հարցերից են «Վիշապի կոթողներ» այգու տարածքի շինարարությունը, մետրոյի սակագնի բարձրացումը եւ այլն: Երեկ քաղաքապետը «FB»-ում պատասխանել է, որ «Վիշապի կոթողներ» այգում նախկինում տրվել է օրինական շինթույլտվություն. «Քաղաքապետարանը այդ հասցեում բնակիչների պահանջով դադարեցրել է աշխատանքները եւ կառուցապատողների հետ տարվում են բանակցություններ»: Ինչ վերաբերում է մետրոյի ժետոնի նախկինում 50 դրամից 100-ին անցնելուն, Կ. Կարապետյանը վստահեցրել է, որ դա ստանձնած վարկային պարտավորությունով է պայմանավորված:
