![\"\"](\"https://www.aravot.am/2011/aravot_arm/July/1/p32.jpg\")
Սթրեսը, որ մարդիկ ապրում են տարբեր սոցիալական իրավիճակներում, ինչպիսիք են, օրինակ, ելույթով հանդես գալը կամ աշխատանքի հետ կապված հարցազրույցը, բացասաբար է անդրադառնում մարդկանց իմունային համակարգի վրա: Այս ամենն ուսումնասիրելու համար Կալիֆոռնիայի գիտնականները 124 կամավորների տվել են դժվար առաջադրանքներ: «Մենք պարզել ենք, որ տարբերություն կա, թե ինչպես են մարդիկ արձագանքում տարբեր սոցիալական իրավիճակների: Օրինակ, հանրության առջեւ ելույթ ունենալը ոչ միայն փորձություն է մարդկանց համար, այլեւ սթրեսի եւ լարվածության հետ կապված իրադարձություն»,-նշում են գիտնականները: Արդյունքները ցույց են տվել, թե որքան մեծ կապ կա օրգանիզմի եւ բանականության միջեւ: Ըստ drugs.am-ի՝ փորձարկումը ցույց է տվել օրգանիզմի բորբոքային գործընթացների վրա սոցիալական սթրեսի ազդեցության մեխանիզմները: Ընդ որում, բորբոքային գործընթացները իմունային համակարգի առաջին արձագանքն են սթրեսային իրավիճակներում: Ավելին, իմունային համակարգի խրոնիկական ակտիվությունը կարող է հանգեցնել այնպիսի հիվանդությունների, ինչպիսիք են ասթման, սրտանոթային հիվանդությունները, դեպրեսիան:
