Հունիս ամիսը «Հովեր» կամերային երգչախմբի համար նշանավորվեց մասնակցությամբ Իտալիայի «Լա ֆաբրիկա դել Կանտո» 20-րդ հոբելյանական փառատոնին, որի շրջանակներում համույթը 7 համերգ է տվել: «Հանդիսատեսը մեզ առանձնակի ջերմությամբ էր ընդունում: Մեր բոլոր համերգներն անցան լիակատար անշլագի պայմաններում»,- «Արմինֆոյի» մատուցմամբ՝ պատմել է երգչախմբի գեղարվեստական ղեկավար Սոնա Հովհաննիսյանը երեկվա ասուլիսում: Միլանի «Տեատրո դալ Վերմե» համերգասրահում կայացած համերգին ներկա են եղել նաեւ աշխարհահռչակ մոդելավորող Ռոբերտո Կավալլին եւ Միլանի քաղաքապետը: Ս. Հովհաննիսյանի հավաստմամբ, ջերմությամբ են ընդունվել հատկապես Կոմիտասի երգերը:
