Ոստիկանության Չարենցավանի բաժնում օպերատիվ տվյալներ էին ստացվել, որ սոցիալական ծառայության Չարենցավանի տարածքային գործակալության 1-ին կարգի մասնագետ Ռուզաննա Պետրոսյանը մի քաղաքացուց պահանջել է 25 000 դրամ կաշառք:
Հետաքննության ընթացքում պարզվել է, որ Ռ. Պետրոսյանը «Փարոս» ծրագրի նպաստից չզրկելու համար քաղաքացուց պահանջել է 48 000 դրամ կաշառք, որից 25 000 դրամը ստացել է նույն օրը, իսկ մնացած 23 000 դրամը պետք է ստանար հետագայում:
Հունիսի 29-ին իր աշխատասենյակում 25 000 դրամ կաշառքը ստանալու պահին Ռուզաննա Պետրոսյանը ոստիկանության ծառայողների կողմից բռնվել եւ բերման է ենթարկվել:
Պարզվել է նաեւ, որը «Փարոս» ծրագրի նպաստից չզրկելու համար Ռ. Պետրոսյանը ս/թ հունվար եւ մարտ ամիսներին մեկ այլ քաղաքացուց պահանջել եւ ստացել է 5000 դրամ:
