Ի՞նչ խնդիր է հետապնդում դատավորի «գործուղումը»
![\"\"](\"https://www.aravot.am/2011/aravot_arm/June/30/p7.jpg\")
![\"\"](\"https://www.aravot.am/2011/aravot_arm/June/30/p6.jpg\")
Երեկ Կենտրոն եւ Նորք-Մարաշ վարչական շրջանների ընդհանուր իրավասության դատարանում ժ.12-ին նշանակվել էր ԱԺ պատգամավոր Զարուհի Փոստանջյանի եւ նրա եղբոր՝ Տիգրանի բողոքն ընդդեմ ՀՀ գլխավոր դատախազ Աղվան Հովսեփյանի: Վերջինս եւ իր ներկայացուցիչը, դատարանին անհայտ պատճառներով, բացակայում էին, ի դեպ, 3-րդ անգամ, իսկ ՀՔԾ-ն էլ, որը «մաս է կազմում» պատասխանողի, գրություն էր ուղարկել դատարան գործն առանց իրեն քննելու եւ մերժելու՝ անհիմն համարելու հիմքով:
Փոստանջյանները հաղորդում են ուղարկել հանցագործության մասին, գործողություն չի կատարվել եւ անհետեւանք է մնացել հաղորդումը:
Դատական նիստը նախագահում էր ՀՀ նախագահ Սերժ Սարգսյանի հրամանով Արարատի եւ Վայոց ձորի ընդհանուր իրավասության դատարանի դատավոր նշանակված Արմեն Բեկթաշյանը: Կհարցնեք՝ այդ դեպքում ի՞նչ գործ ունի մարզի դատավորը մեկ այլ դատարանում՝ Կենտրոն եւ Նոր Նորքի: Պարզվեց, որ նրան այս նիստը նախագահելու համար գործուղել է ՀՀ դատարանների նախագահների խորհուրդը: Այդ դեպքում, «պատճաշ դատարան» ունենալու համար անհրաժեշտ էր, որ ՀՀ նախագահը կասեցներ Արարատի եւ Վայոց ձորի մարզի ընդհանուր իրավասության դատարանի դատավորի լիազորությունները, նրան նշանակեր ![\"\"](\"https://www.aravot.am/2011/aravot_arm/June/30/p25.jpg\")
Կենտրոնի դատավոր, որպեսզի քններ Փոստանջյանների կամ տվյալ տարածքի մեկ այլ քաղաքացու գործը:
Դատարանում ԱԺ պատգամավորի ներկայացուցիչ, ՀՀ փաստաբանների պալատի անդամ Հայկ Ալումյանը հանդես եկավ միջնորդությամբ՝ այլ դատարանում գործը քննելու համար: Դատավորը մերժեց այս միջնորդությունը: Իսկ երբ Հայկ Ալումյանը ասաց, որ նա պարզաբանման համար դիմի Սահմանադրական դատարան (ՍԴ-ն մերժել է դատավորների այս կարգի «գործուղումները»), դատավորը ասաց. «Դուք դիմեք վերադաս մարմնին: Ինձ գործուղել են այստեղ»:
Անհարմար վիճակից դուրս գալու համար պատգամավորի ներկայացուցիչը խնդրեց հետաձգել նիստը՝ այլ պատճառաբանությամբ. Աղվան Հովսեփյանի բացակայության եւ գործի նյութերին ծանոթանալու: Երիտասարդ դատավորը խորը շունչ քաշելով բավարարեց այս միջնորդությունը:
