Իսրայելի իշխանություններն անձնական նամակ են հղել Սիրիայի նախագահ Բաշար Ասադին: Նամակում իսրայելցիները նախազգուշացրել են Ասադին, որ եթե նա փորձի վերսկսել ռազմական գործողություններն Իսրայելի դեմ, իրենց պատասխան թիրախը լինելու է անձամբ նա՝ Սիրիայի նախագահը: News.am-ի փոխանցմամբ, Ասադին նման ուղերձ է հղվել այն պատճառով, որ սիրիական ուժերի բարձր կենտրոնացում է նկատվել երկու երկրների սահմանին: Մասնավորապես սկսվել է «Երկիր-Երկիր» դասի հրթիռների զանգվածային վերատեղակայում: Իսրայելն ու Սիրիան պաշտոնապես 1973 թվականից գտնվում են պատերազմական վիճակում, երբ ՑԱԽԱԼ-ը հետ մղեց սիրիացիների՝ Գոլանի բարձունքները գրավելու փորձը:
The Jerusalem Post-ի փոխանցմամբ, ուղերձը հանձնվել է թուրք միջնորդների միջոցով:
