![\"\"](\"https://www.aravot.am/2011/aravot_arm/June/30/p13.jpg\")
Ֆրանսիայի ֆինանսների նախարար Քրիստին Լագարդը երեքշաբթի օրն ընտրվել է Արժույթի միջազգային հիմնադրամի նոր գործադիր տնօրենի պաշտոնում: Reuters-ի մատուցմամբ, այդ մասին ասված է հիմնադրամի տարածած հայտարարության մեջ. «Արժույթի միջազգային հիմնադրամի գործադիր խորհուրդն այսօր Քրիստին Լագարդին ընտրել է ԱՄՀ գործադիր տնօրենի պաշտոնում եւ հնգամյա ժամկետով՝ գործադիր խորհրդի նախագահ: Պաշտոնավարումը կսկսի 2011թ. հուլիսի 5-ից»:
Լագարդի հաղթանակը, ըստ էության, կանխորոշված էր արդեն այն բանից հետո, երբ Չինաստանը, Ռուսաստանն ու Բրազիլիան պաշտպանեցին նրա թեկնածությունը, իսկ ԱՄՆ-ն նրա թեկնածությանը հավանություն էր տվել խորհրդի նիստից անմիջապես առաջ:
