BBC-ի փոխանցմամբ, Եմենի իշխանությունները հայտարարել են, թե ողջունում են ՄԱԿ-ի առաքելությունը, որը նպատակ ունի հետաքննել երկրում հակակառավարական ցույցերի ժամանակ եւ իրավապահների հետ բախումների ընթացքում մարդու իրավունքների ոտնահարման հնարավոր դեպքերը:
Եմենի մարդու իրավունքների նախարարությունը խոստացել է ըստ ամենայնի աջակցել այդ հետաքննությանը:
Անցած շաբաթ ՄԱԿ-ը հայտարարել է, որ 10 օրերի ընթացքում Եմենում հարցաքննության են ենթարկվելու պաշտոնական անձինք, ընդդիմության ներկայացուցիչներ եւ մարդու իրավունքների ոտնահարման հնարավոր զոհեր:
