Ֆուտբոլի Հայաստանի բարձրագույն խմբի առաջնության առաջին կեսի ավարտից անմիջապես հետո Հայաստանի չեմպիոն ՙՓունիկը՚ ուղեւորվել է Արցախ, որտեղ այսօր հանդիպում կանցկացնի Ստեփանակերտի թիմի հետ: Ստեփանակերտցիների մարզիչն, ի դեպ, ՙՇիրակի՚, ՙԶվարթնոցի՚ ու ՙԱրարատի՚ նախկին ֆուտբոլիստ Մհեր Ավանեսյանն է: Ֆուտբոլային խաղից բացի, փյունիկցիներն այցելելու են Արցախի մշակութային կենտրոններ, ինչպես նաեւ բարեգործական այլ միջոցառումներ են անցկացնելու: Թիմը Երեւան կվերադառնա հունիսի 29-ին եւ միայն այդ ժամանակվանից կսկսի նախապատրաստվել Չեմպիոնների լիգայի որակավորման 2-րդ փուլի՝ Չեխիայի չեմպիոն ՙՎիկտորիայի՚ հետ խաղին: Հայաստանի չեմպիոնի գլխավոր մարզիչ Վարդան Մինայանը նախատեսել է երկօրյա ուսումնամարզական հավաք կազմակերպել հուլիսի 12-ին Երեւանում կայանալիք հանդիպումից երկու օր առաջ:
