BBC-ի մատուցմամբ, ամերիկացի դիվանագետը, որն այցով Եմենում է գտնվում, հայտարարել է, թե Եմենի նախագահ Սալեհի ստացած վնասվածքների պատճառով իմաստ չունի ակնկալել, որ նա շուտով հայրենիք կվերադառնա:
ԱՄՆ պետքարտուղարի տեղակալ Ջեֆրի Ֆելտմանի ասելով, այդ առնչությամբ անհրաժեշտ է, որ Եմենում իշխանության արագ փոխանցում լինի:
Հիշեցնենք, որ ներկայումս Եմենի առաջնորդի պարտականությունները կատարում է Աբդ-ռաբբու Մանսուր Խադին: Ավելի վաղ ընդդիմությունը հայտարարել էր, որ կհամաձայնի իշխանությունը Խադիին փոխանցելու տարբերակին: Եմենի նախագահ Սալեհը, որը վիրավորվել էր իր նստավայրի գնդակոծման ժամանակ, բուժման նպատակով գտնվում է Սաուդյան Արաբիայում:
