Ձեր թերթի (06.14.2011թ.) համարում «Կոմսոմոլը մեղք չունի» վերտառությամբ հոդվածի կապակցությամբ ներկայացնում ենք հետեւյալ պարզաբանումը:
ՀՀ արտաքին գործերի նախարարության դեսպանություններում եւ հյուպատոսություններում իրականացված վերահսկողության արդյունքում կազմված հաշվետվությունները իրենց մեջ պարունակում են «հույժ գաղտնի» տեղեկատվություն, որոնք հրապարակման ենթակա չեն: Այդ հաշվետվություններին կարելի է ծանոթանալ ՀՀ Ազգային ժողովում` օրենքով սահմանված կարգով: Տեղեկացնում ենք, որ Գերմանիայում ՀՀ դեսպանատանը կատարված ստուգումների արդյունքում Վերահսկիչ պալատը չի արձանագրել դեպք, երբ «Դեսպանության աշխատակազմի աշխատավարձերի ցուցակում հայտնաբերվի անուն-ազգանուն, որն ամիսներ չի աշխատել դեսպանությունում, սակայն նրա փոխարեն ստորագրել են եւ ստացել մշտապես աշխատավարձ»: Ուստի հոդվածի այդ պարբերությունը չի համապատասխանում իրականությանը: Իրականությանը չի համապատասխանում նաեւ հոդվածի վերջում այն տեղեկությունը, որ «Գ. Հովհաննիսյանը չի աշխատում դեսպանատանը, երբ նրա անունով գումարներ են հափշտակվել»: Գերմանիայում ՀՀ դեսպանատանը Գ. Հովհաննիսյանը աշխատել է 2002 թվականի ապրիլից մինչեւ 2010 թվականի մայիս:
