Ջիվանու անվան աշուղական դպրոցը վերջերս մասնաճյուղ բացեց Սպիտակում: Մի քանի օր առաջ Սպիտակում տեղի ունեցավ տեղի մասնաճյուղի երեխաների անդրանիկ համերգը՝ «Հայ աշուղներ» ժողգործիքների անսամբլի հետ համատեղ: Համերգն իրենց ներկայությամբ պատվել էին «Սայաթ-Նովա» մշակութային միության նախագահ, կոնսերվատորիայի պրոֆեսոր, Ջիվանու անվան աշուղական դպրոցի տնօրեն Թովմաս Պողոսյանը եւ մերօրյա աշուղներ: Երեխաների կատարումները ղեկավարում էր Սահականուշ Արղամանյանը, ով եւս աշուղ է, երգերի կատարող: Աշուղական դպրոցի Սպիտակի մասնաճյուղը գործում է ծնողների օգնության շնորհիվ եւ կարիք ունի հովանավորների:
