Երեւան-Երասխ ավտոճանապարհին, դեռեւս չպարզված հանգամանքներում, «Օպել» մակնիշի 24 ՕՕ 338 պետհամարանիշով ավտոմեքենան դուրս է եկել երթեւեկելի մասից եւ բախվել գազատարին (հրդեհ չի բռնկվել): Ճանապարհատրանսպորտային պատահարի հետեւանքով ավտոմեքենայի վարորդը՝ Արարատի մարզի Երասխավան գյուղի 45-ամյա բնակիչ Սուրեն Ավդոյանը մարմնական վնասվածքներով տեղափոխվել է Արարատի քաղաքային հիվանդանոց: Տուժածի առողջական վիճակը բժիշկների կողմից գնահատվել է ծանր:
