![\"\"](\"https://www.aravot.am/2011/aravot_arm/June/21/p31.jpg\")
Science ամսագիրը գրում է, որ նիկոտինը ոչ միայն կախվածություն է առաջացնում, այլեւ օրգանիզմին կուշտ լինելու կեղծ ազդակներ է տալիս: Ուսումնասիրելով այս էֆեկտը՝ մասնագետները փորձելու են դեղամիջոցներ ստեղծել ավելորդ քաշի դեմ պայքարելու համար:
Ինչպես ցույց է տալիս վիճակագրությունը, ծխողների մարմնի միջին քաշն ավելի ցածր է, քան չծխողներինը: Բացի այդ, նիկոտինն ազդում է մարդու նյարդային համակարգի այն հանգույցների վրա, որոնք պատասխանատու են սննդային վարքի համար: Այս փորձերը հաստատվել են մկների վրա իրականացված հետազոտությունների արդյունքում: Բժիշկները համեմատել են նիկոտինի եւ դրա համարժեք ցիտինի ազդեցությունը: Վերջին նյութը կախվածություն չի առաջացնում: Պարզվել է, որ երկուսն էլ զգալիորեն նվազեցնում են քաշը:
