![\"\"](\"https://www.aravot.am/2011/aravot_arm/June/21/p26.jpg\")
Երիտասարդ հայրերից ամենանորաձեւը ճանաչվել է Օռլանդո Բլումը: Օռլանդոյին հաջողվեց անցնել նույնիսկ բազմազավակ հայրեր Դեյվիդ Բեքհեմին եւ Ջուդ Լոուին: Ինչպես dni.ru-ն է նշում՝ Օռլանդոն առաջին անգամ հայրացավ այս տարվա հունվարին, երբ նրա կինը՝ մոդել Միրանդա Կերը, որդի պարգեւեց նրան: Բլումը «MyCelebrityFashion» կայքում հավաքել էր ձայների 71 տոկոսը: Քվեարկողները նշել են, որ բարետես արտաքինով դերասանը հաճելի է ![\"\"](\"https://www.aravot.am/2011/aravot_arm/June/21/p28.jpg\")
բոլոր իրավիճակներում: Ցանկացած հագուստով նա յուրահատուկ է եւ էֆեկտիվ:
Նորաձեւ հայրերի ցուցակում արծաթե մեդալին է արժանացել բազմազավակ հայր Դեյվիդ Բեքհեմը: Բեքհեմի կինը՝ Վիկտորիա Բեքհեմը, հուլիսի 4-ին աղջիկ կունենա, որը կդառնա նրանց ընտանիքի 4-րդ երեխան:
Բրոնզե մեդալին է արժանանում երկու զավակների հայր, երգիչ, դերասան Պիտեր Անդրեն:
Չորրորդ հորիզոնականն է զբաղեցնում դերասան Ջուդ Լոուն: Ջուդն ունի երեք երեխա:
![\"\"](\"https://www.aravot.am/2011/aravot_arm/June/21/p29.jpg\")
Հինգերորդում՝ հոլիվուդյան սրտակեր Մեթյու Մակքոնահյուն է:
Իսկ վեցից մինչեւ տասներորդ հորիզոնականներն են զբաղեցնում հետեւյալ դերասանները՝ Հյու Ջեքսոնը, Ուիլ Սմիթը, Ջոնի Դեփը, Բեն Աֆլեկն ու ամենաբազմազավակ հայրը բոլոր այս հայրերից՝ Բրեթ Փիթը: Բրեթն իր սիրելիի՝ Անջելինա Ջոլիի հետ դաստիարակում է վեց երեխա, որոնց մի մասը որդեգրված է:
