![\"\"](\"https://www.aravot.am/2011/aravot_arm/June/21/p23.jpg\")
Ջերմուկ առողջարանային քաղաքում շարունակվում է շախմատի համաշխարհային օլիմպիադայի հաղթող, գրոսմայստեր Կարեն Ասրյանի 4-րդ հուշամրցաշարը, որին մասնակցում է Հայաստանի, Ռուսաստանի, ԱՄՆ-ի, Իրանի, Ղազախստանի եւ Վրաստանի 71 շախմատիստ:
Չորս տուրից հետո հարյուր տոկոսանոց արդյունք է ցույց տվել միայն ռուսաստանցի գրոսմայստեր Միխայիլ Ուլիբինը, որն էլ միանձնյա գլխավորում է մրցաշարային աղյուսակը: Նրանից կես միավոր պակաս են վաստակել հայաստանցի միջազգային վարպետ Աշոտ Նադանյանը, գրոսմայստեր Շանավա Կոնստանտինեն (Վրաստան): Առաջատար այս եռյակին երեքական միավորով հետապնդում է 12 շախմատիստ: Նրանց մեջ են մեր հանրապետության ներկայացուցիչներ Տիգրան Քոթանջյանը, Հովհաննես Գաբուզյանը, Արա Մինասյանը, Հրայր Սիմոնյանը, Ռոբերտ Աղասարյանը, Ռոբերտ Հովհաննիսյանը, Սամվել Տեր-Սահակյանը, ինչպես նաեւ հատուկ մրցաշարին մասնակցելու նպատակով ԱՄՆ-ից Հայաստան ժամանած կանանց գրոսմայստեր Տաթեւ Աբրահամյանը: Երեկ հուշամրցաշարի հինգերորդ տուրի օրն էր:
