News.am-ի աղբյուրների փոխանցմամբ, հունիսի 16-ին Ոստիկանության Կազմակերպված հանցավորության դեմ պայքարի գլխավոր վարչության (6-րդ վարչություն) աշխատակիցները ձերբակալել են Երեւանի թիվ 195 միջնակարգ դպրոցի տնօրեն Արտավազդ Վահրամյանին, որը կասկածվում է կեղծ ատեստատներ տալու մեջ: Այս տեղեկությունը news.am-ի թղթակցի հետ զրույցում հաստատեցին նաեւ ոստիկանության մամուլի ծառայությունից: Մասնավորապես, ոստիկանությունից նշել են, որ այդ փաստի առթիվ նախաքննությամբ ձեռք բերված նյութերն ուղարկվել են ոստիկանության քննչական գլխավոր վարչություն:
