Грузия-Online-ի փոխանցմամբ, Վանուատուն ետ է վերցրել Աբխազիայի անկախության ճանաչման մասին իր ավելի վաղ կայացրած որոշումը: 1in.am-ի փոխանցմամբ, դա տեղի է ունեցել այն բանից հետո, երբ Վանուատուի՝ Սուխումի հետ դիվանագիտական հարաբերություններ հաստատած վարչապետ Սատո Կիլմանը հեռացվել է զբաղեցրած պաշտոնից։ Վանուատուի վարչապետի ժամանակավոր պաշտոնակատար Էդվարդ Նատապեին (նկարում) որոշել է չեղյալ հայտարարել այդ ճանաչումը։
Հիշեցնենք, որ վերջին շրջանում վրացական կողմը շարունակ հերքում էր Վանուատուի կողմից Աբխազիայի ճանաչման փաստը, մինչդեռ աբխազական ու ռուսական կողմերը հակառակն էին պնդում։
Հիշեցնենք, որ մինչ այս՝ Աբխազիայի անկախությունը ճանաչել են Ռուսաստանը, Նիկարագուան, Վենեսուելան (10.09.2009), Նաուրուն:
