ՎԹԱՐՎԵԼ ԵՆ ՊԱՇՏՈՆՅԱՅԻ ՀԱՐԱԶԱՏՆԵՐԸ

Երեկ Երեւանում կեսգիշերին տեղի է ունեցել ավտովթար: Ժամը 01.00-ի սահմաններում Կոմիտաս-Փափազյան փողոցների խաչմերուկում իրար են բախվել 22-ամյա Սերգեյ Աբրահամյանի վարած «ՎԱԶ-2110» մակնիշի 07ՕՏ 492 համարանիշի եւ 45-ամյա Վարդան Հերոյանի վարած «Հունդայ» մակնիշի 96 TN 999 համարանիշի ավտոմեքենաները: Վթարի հետեւանքով «ՎԱԶ-2110»-ի վարորդը եւ նրա ուղեւոր, 23-ամյա Հովհաննես Աբրահամյանը, ինչպես նաեւ «Հունդայ» ավտոմեքենայի ուղեւորներ 48-ամյա Նաիրա Հերոյանը, 41-ամյա Թերեզա Բարսեղյանը, 22-ամյա Անի Պողոսյանը եւ 48-ամյա Արմեն Պողոսյանը մարմնական վնասվածքներով տեղափոխվել են Երեւանի «Սուրբ Գրիգոր Լուսավորիչ» եւ «Արմենիա» բժշկական կենտրոններ: ՃՏ քննության բաժնում նյութեր են նախապատրաստվում: «Առավոտի» տեղեկություններով՝ «Հունդայ» ավտոմեքենան պատկանում է ԱԺ նախագահ Հովիկ Աբրահամյանի ներկայիս խորհրդական, Արմավիրի նախկին մարզպետ, Երեւանի Կոնյակի գործարանի նախկին տնօրեն Ալբերտ Հերոյանին: