![\"\"](\"https://www.aravot.am/2011/aravot_arm/June/17/p24.jpg\")
Ծանրամարտի Ադրբեջանի հավաքականի գլխավոր մարզիչ, բուլղարացի Յանկո Ռուսեւը հայտնվել է նախադեպը չունեցող դոպինգ սկանդալի եզրին:
Բանն այն է, որ նրա միանգամից 44 սաներ, որոնց մեջ մեծ թիվ են կազմում բուլղարացի մարզիկները, օգտագործել են արգելված խթանիչներ, որի համար մարզաձեւի համաշխարհային ու եվրոպական ֆեդերացիաները նրանց կարող են որակազրկել: «Ազերիսպորտ» ինֆորմացիոն գործակալությունը տեղեկացնում է, որ հենց այդ պատճառով էր այս տարվա Եվրոպայի առաջնությունում Ադրբեջանը ներկայացված ընդամենը մեկ մասնակցով: Նույն աղբյուրի հավաստմամբ, Ադրբեջանի ծանրամարտի ֆեդերացիան ստիպված էր այդ քայլին դիմել՝ սարսափելի սկանդալից խուսափելու նպատակով, ինչը կարող է նաեւ հանրապետության ֆեդերացիայի նկատմամբ պատժամիջոցների կիրառման հանգեցնել:
Հիմա ֆեդերացիայի ղեկավարությունը մտադիր է ետ բերել բոլոր այն գումարները, որ ծախսվել են Ռուսեւի գործունեության վրա: Թերթերի տեղեկացմամբ, այդ գումարը 175 հազար եվրո է, որից, սակայն, ծախսվել է միայն 40 հազարը:
