![\"\"](\"https://www.aravot.am/2011/aravot_arm/June/17/p20.jpg\")
Չեխիայի մայրաքաղաքում ընթացող շախմատային փառատոնի շրջանակներում շարունակվում է այդ երկրի եւ Սլովակիայի առաջատար գրոսմայստերներ Դավիթ Նավարայի եւ Սերգեյ Մովսիսյանի միջեւ վեց դասական պարտիայից բաղկացած մրցամարտը:
Ճիշտ է, Մովսիսյանն արդեն Հայաստանի ազգային հավաքականի անդամ է, սակայն նա նաեւ Սլովակիայի քաղաքացիություն ունի եւ շարունակում է մնալ որպես այդ երկրի թիվ մեկ շախմատիստը:
Նավարան եւ Մովսիսյանը երրորդ տուրում նույնպես կեսական միավոր գրանցեցին իրենց անվան դիմաց եւ ընդհանուր հաշիվը դարձավ 1,5/1,5: Երեկ գրոսմայստերները հանգստանում էին, իսկ այսօր խաղատախտակի առջեւ նստելու էին չորրորդ անգամ: Սպիտակներով խաղալու է չեխ շախմատիստը:
