Պրահայում ընթացող շախմատային փառատոնի շրջանակներում առանձին մրցամարտ է անցկացվում գրոսմայստերներ Սերգեյ Մովսիսյանի (Հայաստան) եւ Դավիթ Նավարայի (Չեխիա) միջեւ: Նրանք պետք է խաղան վեց դասական պարտիա: Երկու տուր արդեն ավարտվել է ու երկուսում էլ մրցակիցները համաձայնել են ոչ-ոքիի:
Մրցաշարի պաշտոնական կայքը տեղեկացնում է, որ փառատոնի բացման պաշտոնական արարողությանը ներկա է եղել աշխարհի գործող չեմպիոն Վիշվանաթան Անանդը:
