BBC-ի մատուցմամբ, Միացյալ Նահանգները հրաժարվել է Չեխիայի տարածքում հրթիռային հարձակման դեպքում նախազգուշացման՝ Եվրոպայի հակահրթիռային պաշտպանության համակարգերի տեղակայման իր ծրագրից, որի նպատակը ամերիկյան հակահրթիռային «անձրեւանոցի» համար տեղեկությունների փոխանցումն էր: Այդ մասին հաղորդել է Չեխիայի պաշտպանության նախարար Ալեքսանդր Վոնդրին: «Չեխիան նախագծին մասնակցելու այլ հնարավորություն կփնտրի»,- ասել է չեխ նախարարը՝ ԱՄՆ պաշտպանության նախարարի տեղակալ Ուիլյան Լիննի հետ հանդիպումից հետո:
Եվրոպական հակահրթիռային պաշտպանության համակարգերի ստեղծման շուրջ համագործակցության վերաբերյալ Ռուսաստանն ու ՆԱՏՕ-ն պայմանավորվածություն էին ձեռք բերել դեռեւս 2010թ. նոյեմբերին՝ Լիսաբոնում տեղի ունեցած գագաթաժողովում, Ռուսաստան-ՆԱՏՕ խորհրդի շրջանակներում: Ռուսական կողմի առաջարկի էությունն այն է, որ հակահրթիռային պաշտպանության համատեղ համակարգերը ստեղծվեն պաշտպանության որոշակի հատվածում՝ հրթիռների հայտնաբերման եւ ոչնչացման համար պատասխանատվությունը բաշխելով տարածքային սկզբունքով՝ կոնկրետ երկրների կամ պետությունների խմբերի միջեւ:
