![\"\"](\"https://www.aravot.am/2011/aravot_arm/June/16/p11.jpg\")
Երեւանի Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանը 3,5 տարվա ազատազրկման էր դատապարտել Արտավազդ Առաքելյանին (հայտնի է «Տյոմ Յուժնի» մականունով): Հայ հանրությունը Արտավազդին ճանաչում է «Որոգայթ», «Կյանքի գինը» հեռուստասերիալներից:
![\"\"](\"https://www.aravot.am/2011/aravot_arm/June/16/p13.jpg\")
Երեկ Արտավազդ Առաքելյանը ՀՀ քրեական գործերով վերաքննիչ դատարան էր ներկայացել ԱՆ «Նուբարաշեն» ՔԿՀ-ից՝ ամբողջովին պատրաստ. սպորտային պայուսակով: Նա համաներմամբ կարող էր ազատվել հենց դատարանի նիստերի դահլիճից: Երեկ նրան սպասում էին նաեւ հայրենական շոու-բիզնեսի ներկայացուցիչները: Սակայն նախագահող դատավոր Եվա Դարբինյանը՝ լսելով դատարան ներկայացած մյուս ամբաստանյալներին, տուժողին, ճշտեց, որ նրանք որեւէ պահանջ չունեին «Տյոմից»: Դատարանը մտավ խորհրդակցական սենյակ եւ կհրապարակի իր վճիռը այսօր, ժ.11.45-ին:
Հիշեցնենք, որ 2009 թ. փետրվարից «Նուբարաշեն» ՔԿՀ-ում գտնվող Ա. Առաքելյանի գործով մեղադրվել է եւս 6-ը: Ա. Առաքելյանը մեղադրվում էր ![\"\"](\"https://www.aravot.am/2011/aravot_arm/June/16/p12.jpg\")
նրանում, որ ուրիշի գույքին խարդախությամբ տիրանալու դիտավորությամբ, նախապես համաձայնության գալով տարբեր անձանց հետ, իրավունք վերապահող կեղծված փաստաթուղթ հանդիսացող տեղեկանքների օգտագործմամբ վարկեր ստանալու նպատակով կատարել է դիտավորյալ հանցագործություններ:
Մինչ վերաքննիչ դատարան գործը հասնելը՝ Արտավազդը տուժողների հետ կապված բոլոր պահանջները բավարարել էր: Մեկուսարանում Արտավազդ Առաքելյանը գրել է բանաստեղծություններ, երգեր, որոնք ազատության, սիրո, լավ ընկերների մասին են:
