Երեկ ՀՀ քրեական գործերով վերաքննիչ դատարանի որոշմամբ Կոտայքի մարզի ընդհանուր իրավասության դատարանի կողմից 8 տարվա ազատազրկման դատապարտված ոստիկանության Չարենցավանի քրեական հետախուզության բաժանմունքի պետ Աշոտ Հարությունյանի նկատմամբ համաներման հիման վրա պատժի չկրած մասը կրճատվեց 1/3-ով:
Հիշեցնենք, որ նա մեղադրվում էր անցյալ տարվա ապրիլի 13-ին գողության կասկածանքով իրենց վարչական շենք բերման ենթարկված Վահան Խալաֆյանի ինքնասպանության գործով: 2 տարով պայմանական ազատազրկման դատապարտված ոստիկանության օպեր-լիազոր Մորես Հայրապետյանի նկատմամբ համաներում կիրառվեց: Վերաքննիչ բողոք բերած տուժող կողմը վիճարկել էր նաեւ օպեր-լիազորներ Գարիկ Դավթյանի եւ Գագիկ Ղազարյանի արդարացնող վճիռները: Դատարանը թողեց դրանք անփոփոխ:
