![\"\"](\"https://www.aravot.am/2011/aravot_arm/June/15/p22.jpg\")
Ֆուտբոլի Հայաստանի բարձրագույն խմբի առաջնության 12-րդ տուրում սեփական հարկի տակ «Գանձասարից» վերջին րոպեին 0:1 հաշվով կրած պարտությունը «Միկայի» գլխավոր մարզիչ Արմեն Շահգելդյանի համար ճակատագրական եղավ: «Ակումբի ղեկավարությունը երիտասարդ մասնագետին գահընկեց արեց»,- տեղեկացնում է «Armsport.am»-ը:
Գլխավոր մարզչի պաշտոնում նրան փոխարինել է «Արարատ 73»-ի լեգենդար հարձակվող Էդուարդ Մարգարովը, որն առայժմ թիմը գլխավորելու է մինչեւ մրցաշրջանի ավարտը:
Մարգարովը երրորդ անգամ է գլխավորում «Միկա» ֆուտբոլային թիմը: Իսկ նույն աղբյուրի տեղեկացմամբ՝ սա ակումբում մարզչական 16-րդ փոփոխությունն է, սկսած կազմավորման տարեթվից՝ 2000 թվականից:
