![\"\"](\"https://www.aravot.am/2011/aravot_arm/June/15/p18.jpg\")
Թուրքիայի Մուղլա հանգստավայր քաղաքում վթարի է ենթարկվել Բելառուսի քաղաքացիներ տեղափոխող ավտոբուսը, որի արդյունքում տուժել է 14 զբոսաշրջիկ եւ նրանց գիդը: BBC-ի մատուցմամբ, այդ մասին հայտարարել է Անթալիայում Ռուսաստանի գլխավոր հյուպատոսությունը: Ոստիկանության նախնական տվյալներով, վթարը տեղի է ունեցել վարորդի կողմից արագությունը գերազանցելու եւ ղեկը կառավարել չկարողանալու արդյունքում. ավտոբուսը ուղղակի շրջվել է:
Հիշեցնենք, որ մի քանի օր առաջ Թուրքիայում տեղի էր ունեցել եւս մեկ, բայց ավելի խոշոր վթար: Հունիսի 8-ին Գիրեսուն սեւծովյա քաղաքում միջազգային երթուղիներ իրականացնող ավտոբուսը բախվել էր ճանապարհային ցուցանակին, շրջվել ու այրվել էր: Արդյունքում զոհվել էր 10 մարդ: Այն ժամանակ վարորդն ուղղակի ղեկին քնել էր:
