«ԻԿՕՄՕՍ/Հայաստան» հ/կ-ն տեղեկացնում է, որ ԵՄ «Եվրոպա նոստրա» մրցանակին է արժանացել «Պողոսյան» հիմնադրամի բրյուսելյան նստավայրը: Մրցանակը տրվել է «Պահպանություն» կատեգորիայում: «Վիլլա Ամպենը» կառուցվել է որպես առանձնատուն՝ 1931-1934թթ., բարոն Լուիս Ամպենի համար եւ համարվում է Art deco ոճում ժառանգության գլուխգործոց: Պողոսյաններն այն ձեռք են բերել կիսախարխուլ վիճակում, 2006թ.՝ նպատակ ունենալով շենքն օգտագործել որպես հիմնադրամի նստավայր եւ Արեւմուտքի ու Արեւելքի մշակույթների երկխոսության կենտրոն: Հիշեցնենք, որ Երեւանի Սիրահարների այգին նույնպես վերանորոգվել է «Պողոսյան» հիմնադրամի միջոցներով:
